颱風「珍珠」前晚逼近香港，陳豪與黎姿就在一號風球懸掛後，於灣仔新會展海旁拍攝新劇《通天幹探》，雖然當時風勢頗大，但氣溫都有攝氏廿六度，但黎姿竟發冷，仲一直住羽絨，直到埋位才肯除低，其怕凍程度認真誇張。
陳豪與黎姿當晚拍攝嗌交戲，劇情指兩人被父母逼婚，陳豪不肯就範，黎姿遂拂袖而去。可能擔心打風影響拍攝，故當晚各人都爭取時間，匆匆逗留了一會就趕到另一拍攝場地。
陳豪否認上盈盈家 另外，陳豪早前被拍到與歌手陳苑淇前後腳出入北角寶馬山一幢大廈，因而傳緋聞，陳豪之後澄清是去探朋友，更說不認識陳苑淇，但事隔數星期，他又被拍到出入該大廈，而今次就傳他去湯盈盈家。
陳豪強調，到上址是探望一位圈外男性朋友，可能太多藝人住該處，才惹誤會，他笑說：「其實黃浩然都住度，下次可能又傳我同佢『斷背』。仲話我一個星期去湯盈盈度三、四次，我電視城開工見到盈盈，大家打招呼都冇三、四次啦。（使唔使同廖碧兒解釋？）唔使，呢亂咁砌。」
已有一位要好圈外男友的盈盈對緋聞一笑置之，但仍大讚陳豪：「佢係我男友就好，又靚仔，做戲又好，帶佢返屋企實唔會畀屋企人詐型。」
文：專題小組
黎姿不用埋位就住件羽絨唔肯放，好似好凍咁。